Safed, khaamosh
Yeh aman ki chadar
Yehien hai, par gayi kahan…?
Dilun ko dhadkane wali
Aankhoun ko lubaane wali
Sardie ke mausam mein
Yeh safed khaamosh
Barfeeli chaadar…
Ic mein daki hain
Dabi aanhe bhi
Un aman-pasand
insaanoun ki
Gin me kuch laapata
Kuch jalaaye watan…
Makaanoun ki chatoun se
latakti lambhi nokeeli
shishar-ghante jaise
saloun-saal
ankhoun se tapkte
munjmind aansoun…..
safed sun odan mein
kuch darkhtoun ki
tahaniyoun par
latakte patte
jaise bebas
zard chehre….
Kohre se lipte
Makanoun ke dareechoun par
Sar tikaye, aanhen barte,
Dam todti kashmiriyat ka
Maatam manaa rahe,
Chand buzarg log…..
Safed khaamosh
Yeh aman ki chadar
Yehien hai, par gayi kahan…?
